पूर्वाञ्चल क्षेत्रीय अनुसन्धान समूहबाट खटिएको प्रहरीले दिएको विशेष सूचनाका आधारमा इलाका प्रहरी कार्यालय बेलबारीले सुनसरी धरान–१७ बस्ने २४ वर्षीय विक्रम लावतीलाई धरान नगरपालिका–१७ बस्ने त्रिलोचन राईको नामबाट परीक्षा दिँदै गरेको अवस्थामा आज बिहान पक्राउ गरेको हो ।

उक्त कार्यालयबाट खटी गएको प्रहरी टोलीले लावतीलाई कोसी हरैचा–८ स्थित मृगौलिया उच्च माविका छात्र रहेका राईको नामबाट परीक्षा दिँदै गरेको अवस्थामा फेला पारेको थियो । लावतीलाई आवश्यक अनुसन्धानपछि शिक्षा ऐन, २०२८ अन्तर्गत कारबाही चलाइने इलाका प्रहरी कार्यालय बेलबारीका प्रहरी निरीक्षक मेघराज थापाले जानकारी दिनुभयो ।