मंगलबार, असार १ २०७८
काठमाडौं १९:२८
वासिङटन डिसी 09:43

कोशीहरैचा केवीआरयू कन्दङ्वा मेमोरियल गोल्डकप फुटवल प्रतियोगिताको सेमीफाइनलमा प्रवेश

इनेप्लिज २०७२ फागुन १३ गते १५:०७ मा प्रकाशित

उर्लाबारी,फागुन १३
भूटानको फ्रेण्डस क्लवलाई टाइव्रेकरमा ४–२ गोलले पाखा लगाउँदै रुपन्देही –११ मोरङको कोशीहरैचामा जारी चौथो पिएओ कोशीहरैचा केवीआरयू कन्दङ्वा मेमोरियल गोल्डकप फुटवल प्रतियोगिताको सेमीफाइनलमा प्रवेश गरेको छ ।
निर्धारित ९० मिनेट र थप गरिएको २० मिनेटको खेल पनि गोल रहित बराबरीमा टुङ्गीएपछि खेलको अन्तिम निर्णय टाइब्रेकरबाट गरिएको हो । टाइबे्रकरमा रुपन्देहीले ४ वटै प्रहार गोलमा परिणत गरेको थियो भने भूटानका दुई वटा प्रहार मात्र गोलमा परिणत भएका थिए । रुपन्देहीका तर्फबाट कालु थापा,पिटर,दोना थापा र अनील गुरुङले गोल गरेका थिए । भूटानका वर्तमान राई र मौसाले वललाई जालीको निसाना दिएका थिए । भूटानका तर्फबाट पहिलो प्रहार गरेका सेसिओको प्रहार रुपन्देहीका गोल रक्षक दिलिप क्षेत्रीले असफल बनाएका थिए भने छिरिङको प्रहार गोल पोष्ट माथिबाट बाहिरिएको थियो ।
कोशीहरैचाको इन्द्रपुर रंगशालामा भएको प्रतियोगितामा खेलको सुरु देखि नै दवै टिमले गोल गर्ने राम्रा अवसर निकाले पनि गोल गर्न चुकेका थिए । आजको खेलमा रुपन्देही –११ कालु थापा मेन अफ द म्याच घोषित भए ।
शुक्रबार ससस्त्र प्रहरी वलको एपीएफ र भारत को दाजिर्लिङ–११ वीच तेस्रो क्वाटर फाइनल खेल हुनेछ ।

प्रतिक्रिया