आइतबार, मंसिर १२ २०७८
काठमाडौं १९:३५
वासिङटन डिसी 08:50

पुलिस सेमिफाइनलमा

इनेप्लिज २०७२ फागुन ११ गते १३:२७ मा प्रकाशित

football_super_final_pic_final72159पथरी (मोरङ), ११ फागुन । मनाङ मस्याङदी क्लब काठमाडौँलाई पेनाल्टी सुट आउटमा ३–२ गोल अन्तरले पराजित गर्दै नेपाल पुलिस क्बल विराटनगरमा जारी चौथो विराट गोल्डकप फुटबल प्रतियोगिताको सेमिफाइनलमा प्रवेश गरेको छ ।

निर्धारित ९० मिनेटको खेल एक/एक गोलको बराबरीमा रोकिएपछि २० मिनेट थप गरिएको थियो तर थप गरिएको समयमा पनि दुवैतर्फबाट गोल हुन नसकेपछि खेल पेनाल्टी सुटआउमा पुगेको थियो ।

सत्तरीऔँ मिनेटमा जुमानु राईले गोल गर्दै पुलिसलाई अग्रता दिलाए पनि मनाङका सुजल श्रेष्ठले खेल सकिन दुई मिनेट बाँकी हुँदा गोल गर्दै खेल बराबरीमा पुर्‍याएका थिए ।

पेनाल्टी सुट आउटमा पुलिसका तर्फबाट जुमानु राई, भरत साह, हेम तामाङले गोल गरेका थिए भने भोला सिलवालको प्रहार बाहिरिएको थियो । मनाङका तर्फबाट सुजल श्रेष्ठ र मौसाले गोल गरे पनि अनिल गुरुङ र सिसोको प्रहार पुलिसका गोल किपर रोशन खड्काले बचाएका थिए ।

भोलिको पहिलो सेमिफाइनल खेल गत वर्षको विजेता रमपम झापा ११ र सशस्त्र प्रहरी बलको एपिएफ क्लबबीच प्रतिस्पर्धा हुने आयोजकले जनाएको छ ।

प्रतिक्रिया