एकता समाजको अध्यक्ष बाहेक सबै पदमा निर्बिरोध

लसएञ्जलस, १५ फेब्रुवरी / नेपाल अमेरिका एकता समाजको नयाँ नेतृत्वका लागि अध्यक्ष बाहेक सबै पदमा निर्बिरोध भएको छ ।
संस्थाको फेब्रुअरी २१, २०१६ को अधिवेशन समयमा हुने निर्वाचनको लागि धारा २० को उपधारा २ बमोजिम अध्यक्ष, प्रथम उपाध्यक्ष, द्वित्तीय उपाध्यक्ष, महासचिव, सचिव, कोषाध्यक्ष र नौ सदस्यको चयन गर्नु पर्ने थियो ।
हिजो भएको उम्मेदवारी दर्ताको अन्तिम समय सम्म अध्यक्ष पदमा इन्दिरा त्रिपाठी, झमक प्रसाद निरौला र सूर्य प्रसाद प्रसाईंले उम्मेदवारी दर्ता गराएकाछन ।
प्रथम उपाध्यक्षमा टेक बहादुर लामा, द्वित्तीय उपाध्यक्षमा डिल्ली सिलवाल, महासचिवमा डोल्मा लामा, कोषाध्यक्षमा अञ्जना बस्नेत र सदस्यहरूमा बद्री बराल, बीरवल बुढाथोकी, चक्रपाणी मिश्र, चन्द्र प्रसाद सिवाकोटी, देविचरण घिमिरे, दीपा पौडेल, ज्ञानेन्द्र गुरुङ, नवीन पोखरेलर तुलसा कार्की रहेकाछन । सचिव पदमा भने कसैको पनि उम्मेद्वारी परेको छैन ।
उम्मेदवारले आफ्नो उम्मेदवारी फिर्ता वा दाबी विरोध गर्ने कार्यक्रम फेब्रुअरी १६ ,२०१६ बेलुकी ४.३० सम्म रहेकोछ । भोलि सम्म कसैको दाबी विरोध नपरेमा वा उम्मेदवारी फिर्ता नभएमा अध्यक्ष बाहेकका पदमा निर्बिरोध हुँदैछ । अध्यक्ष पदमा उम्मेदवारी फिर्ता नभएमा २१ फेब्रुवरीमा मतदान हुने कार्यक्रम रहेकोछ ।