आइतबार, माघ ४ २०७७
काठमाडौं १३:०३
वासिङटन डिसी 02:18

त्रिभुवन आर्मी क्लव सेमिफाइनल प्रवेश

इनेप्लिज २०७२ माघ १९ गते १४:०९ मा प्रकाशित

इलाम, १९ माघ । विभागीय टोली त्रिभुवन आर्मी क्लब इलाममा जारी टुवोर्ग अन्तर्राष्ट्रिय आमन्त्रण माइभ्याली गोल्डकप फुटबल प्रतियोगिताको सेमिफाइनलमा प्रवेश गरेको छ ।

आज भएको अन्तिम क्वाटरफाइनलमा भारत दार्जिलिङको शेर फुटबल क्लबलाई २–१ गोल अन्तरले पराजित गर्दै आर्मी क्लव अन्तिम चारमा पुगेको हो ।

आठौं मिनेटमै आर्मीका दीप लामाले पहिलो गोल गर्दै खाता खोलेका थिए । विपक्षी टीमको मजबुत रक्षापङतीलाई झुक्याउँदै लामाले मैदानको दायाँ किनाराबाट प्रहार गरेको गोलले सिधै जाली चुमेको थियो ।

आर्मीको त्यो अग्रता भने लामो समयसम्म टिक्न सकेन । आर्मीले गोल गरेको दुई मिनेट नबित्दै खेलको १० औं मिनेटमा दार्जिलिङका शैलेश शङ्करले गोल गरी खेललाई बराबरीमा ल्याएका थिए ।

पहिलो हाफ एक÷एक गोलको बराबरीमा सकिएपनि खेलको ६६ औं मिनेटमा भरत खवासले गोल गर्दै आर्मीको अग्रता दोब्बर बनाए । खेलमा त्यसपछि कुनै गोल भएन र आर्मीले खेल आफ्नो पक्षमा पा¥यो ।

बुधवारको पहिलो सेमिफाइनल खेल झापा–११ र रूपन्देही–११ बीच हुनेछ । प्रतियोगितामा विजेताले रु तीन लाख ५० हजार र उपविजेताले रु एक लाख ७५ हजार पुरस्कार पाउने माइभ्याली गोल्डकपका अध्यक्ष धिरेन चेम्जोङले बताउनुभयो ।

प्रतिक्रिया