आइतबार, माघ ४ २०७७
काठमाडौं १३:११
वासिङटन डिसी 02:26

आगलागीमा रु पाँच लाख बराबरको क्षति

इनेप्लिज २०७२ माघ १६ गते ३:५७ मा प्रकाशित

इनरुवा, १६ माघ । सुनसरीको दुई वटा गाविसमा शुक्रबार मध्यरात आगलागी हुँदा रु पाँच लाख ५० हजार बराबरको क्षति भएको छ ।

जिल्लाको छिटहा गाविसमा बिजुली सर्ट भई बच्चालाल यादव र नरेश यादवको घरमा आगलागी हुँदा दुई वटा घर, घरभित्र रहेको अन्नपात, लत्ताकपडा, भाडावर्तन, गरगहना जलेर पूर्णरुपमा नष्ट हुँदा रु तीन लाख बराबरको क्षति भएको जिल्ला प्रहरी कार्यालय सुनसरीले जनाएको छ ।

सो आगलागीको स्थानीयवासी, प्रहरी र इनरुवा नगरपालिकाबाट गएको वारुणयन्त्रले नियन्त्रणमा लिएको थियो ।
त्यसैगरी श्रीपुरजव्दी– ६ श्यामसुन्दर सदाको घरमा चिसोको बेला बालेको घुरबाट आगलागी हुँदा रु दुई लाख ५० हजार बराबरको क्षति भएको छ ।

आगलागीमा परेर सदाको चार वटा घर, दुई वटा गाईगोरु, १० वटा खसीबाख्रा, अन्नपात लत्ताकपडालगायतका सामग्री पूर्णरुपमा जलेर नष्ट भएको प्रहरी उपरीक्षक पोषराज पोखरेलले जानकारी दिनुभयो ।

प्रतिक्रिया