बिहीबार, माघ १५ २०७७
काठमाडौं १४:४२
वासिङटन डिसी 03:57

मापसे गर्ने बीस जना पक्राउ

इनेप्लिज २०७२ माघ १ गते १३:०९ मा प्रकाशित

mapaseरत्ननगर (चितवन), १ माघ । धार्मिक पर्यटकीय क्षेत्र देवघाटधाममा आज लागेको माघेसङ्क्रान्ति मेलामा मापसे गरेर होहल्ला गर्ने २० जनालाई प्रहरीले पक्राउ गरेको छ ।

दर्शनार्थीको सुरक्षाका लागि उनीहरुलाई पक्राउ गरिएको हो । जिल्ला प्रहरी कार्यालयका अनुसार देवघाटधाम क्षेत्रमा मासु र मदिरा निषेधित गरिएको छ । पक्राउ परेका सवैलाई जरिवाना तिराएर छाडिने बताइएको छ । यहाँ भक्तजनको सुरक्षार्थ ठूलो सङ्ख्यामा सशस्त्र र जनपद प्रहरी परिचालन गरिएको छ ।

देवघाट क्षेत्र विकास समितिका सदस्य टङ्क पौडेलले देवघाटधाम क्षेत्रमा विगतदेखि नै मदिरा निषेध गरिएको बताउनुभयो । चितवन, नवलपरासी र तनहुँको सङ्गमस्थल त्रिशूली र कालीगण्डकीको दोभान देवघाटधाम क्षेत्रमा आज दर्शनार्थीको घुइँचो लागेको छ । त्रिशूली र कालीगण्डकी मिसिएर यहाँबाट नारायणी नदी सुरु हुन्छ ।

प्रतिक्रिया