जिल्ला वन कार्यालय, काभ्रेपलाञ्चोकले झण्डै तीन वर्षको अवधिमा चितुवाको आक्रमणबाट दुई वर्षदेखि १० वर्षसम्मका नौ बालबालिकाको मृत्यु भएको जानकारी दिएको छ ।

मृत्यु हुनेमा पाँचखाल नगरपालिका १ का ७ वर्षीया सुशीला तामाङ, देवभूमि बालुवा ८ की ७ वर्षीया सलिना पाण्डे, रवीओपी वडा नं १ का ४ वर्षीय पुकार तामाङ, देवभूमि बालुवा ८ का ४ वर्षीय विल बहादुर श्रेष्ठ, सोही ठाउँका ३ वर्षीय सुनिल लामा, नासिकास्थान २ की १० वर्र्षीया दीपिका विष्ट, खनालथोक गाविस ३ की ४ वर्षीया रमिला खनाल, मेथिनकोट गाविस ५ का ५ वर्षीय नविन भूर्तेल, सोही ठाउँका २ वर्षीय मोहन भूर्तेल रहेका छन् । उनीहरुलाई फरक फरक मितिमा चितुवाले आक्रमण गरी मारेका थिए ।

जिल्ला वन कार्यालयका वन अधिकृत प्रेम खनालले चितुवा आहाराको खोजीमा गाउँ पस्ने र मान्छेलाई आहारा बनाउने गरेको बताउनुभयो ।  उहाँले सरकारले चितुवाबाट भएको पशुधन र मानवीय क्षतिको राहत उपलब्ध गराउन लागेको जानकारी पनि दिनुभयो । जिल्लामा तीन वर्षको अवधिमा १९ वटा विभिन्न वन्यजन्तुको उद्धार गरिएको छ ।