बिहीबार, माघ १५ २०७७
काठमाडौं १३:१५
वासिङटन डिसी 02:30

इस्तानबुलमा आत्मघाती बम आक्रमण, १० को मृत्यु

इनेप्लिज २०७२ पुष २८ गते १६:०१ मा प्रकाशित

Shristhi-shrestha

अङ्कारा (टर्की), २८ पुस । टर्कीको पुरानोे सहर इस्तानबुलको पर्यटकीय इलाकामा मङ्गलबार भएको आत्मघाती बम हमलामा आत्मघाती बम आक्रमणमा परी १० जनाको मृत्यु भएको छ । घटनामा अन्य १५ जना घाइते भएका छन् । आक्रमणमा परी उक्त इलाकामा रहेका केही संरचनामा समेत नोक्सान भएको अन्तराष्ट्रिय संचारमाध्यमले जनाएका छन् । सिरियाली नागरिकको संलग्नता:एर्डोगान टर्कीका राष्ट्रपति रेसेप तैयप एर्डोगानले इस्तानबुलको पर्यटकीय इलाकामा मङ्गलबार भएको आत्मघाती बम हमलामा सिरियालीमूलका एक व्यक्तिको संलग्नता रहेको दाबी गर्नुभएको छ । घटनालाई एक निन्दनीय आतङ्ककारी घटना भन्दै राष्ट्रपति एर्डोगानले भन्नुभयो, म हमलाको कडा शब्दमा निन्दा गर्छु । घटनामा सिरियालीमूलका एक व्यक्तिको संलग्तना रहेको आफ्नो सरकारको प्रारम्भिक अनुसन्धानबाट थाहा भएको बताउँदै एर्डोगानले घटनाको योजनाकार तथा समूहलाई कानुनी दायरामा ल्याइ छाड्ने प्रतिबद्धतासमेत व्यक्त गर्नुभयो । राष्ट्रपति एर्डोगानको हमलापछिको यो पहिलो प्रतिक्रिया थियो । सन् २०१५ को अक्टोबरमा इस्लामिक समूह ९आईएस० ले दुई वटा शक्तिशाली आत्मघाती बम हमला गर्दा टर्कीमा १०२ जनाको मृत्यु भएको थियो । करिब दुई वर्ष छ महिना लामो शान्ति प्रक्रियापछि गएको जुलाईदेखि अमेरिकी नेतृत्वको संयुक्त गठबन्धनले आईएस गतिविधि नियन्त्रणको प्रयासका लागि हवाई आक्रमण गर्दै आएको छ । रासस/एएफपी

प्रतिक्रिया