मदानपुर गाविसका प्रेमबहादुर तामाङको चौघडामा हत्या भएको जिल्ला प्रहरी कार्यालय नुवाकोटले जनाएको छ ।

चौघडा गाविसका इन्दिरा राई र उमेश राईलाई हत्याको अभियोगमा प्रहरीले पक्राउ गरेको छ । उनीहरु आमाछोरा हुन् ।

हत्याको कारण भने खुल्न नसकेको जिल्ला प्रहरी कार्यालय नुवाकोटका प्रहरी निरीक्षक प्रद्युम्नकुमार अधिकारीले जानकारी दिनुभएको छ । मदानपुरका व्यक्ति किन चौघडा पुगे र हत्या हुनुको कारण के थियो भन्ने विषयमा प्रहरीले अनुसन्धान गरिरहेको छ ।