बिहीबार, मंसिर ११ २०७७
काठमाडौं ०७:२५
वासिङटन डिसी 20:40

राष्ट्रिय रेफ्री कोर्ष सुरु

इनेप्लिज २०७२ असोज १७ गते १४:२९ मा प्रकाशित

काठमाडौँ, १७ असोज । दोस्रो राष्ट्रिय ‘ग्यारोगी रेफ्री रिफ्रेसर कोर्ष’ आजदेखि त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सुरु भएको छ ।

सातौँ राष्ट्रिय खेलकुदको प्राविधिक तयारीका लागि राष्ट्रिय तेक्वान्दो सङ्घको आयोजनामा तेक्वान्दो खेलका लागि ‘कोर्ष’ सञ्चालन गरिएको हो ।

‘कोर्ष’मा ४७ जिल्लाका २०० रेफ्रीको सहभागिता रहेको छ । ब्ल्याकवेल्ट दोस्रो डान तथा १६ वर्ष नाघेकाले मात्र यो ‘कोर्ष’मा सहभागिता जनाउन पाउने छन् ।

तीन दिनसम्म चल्ने कोर्ष कोरियाली ग्रान्ड मास्टर क्वान योङ दलले सञ्चालन गरिरहेका छन् ।

राखेपका सदस्य–सचिव केशवकुमार विष्टले एक कार्यक्रमकाबीच ‘कोर्ष’को उद्घाटन गर्नुभयो ।

प्रतिक्रिया