चितवन, धादिङ, गोरखा र मकवानपुरका भूकम्पपीडितलाई २५ लाखभन्दा बढीको राहत सहयोग गरिसकेको अभियानका उपाध्यक्ष विनोद रिजालले बताउनुभयो । सो क्रममा अभियानले चेपाङ बालबालिकालाई पढ्नका लागि समेत सहयोग गरेको जनाएको छ । विद्यालय भवन निर्माणका लागि अहिले अभियानले टिसर्ट बिक्री अभियान सुरु गरेको अध्यक्ष राजेश घिमिरेले जानकारी दिनुभयो ।

अभियानले अहिले चितवनको विकट लोथरको दुङवाङ राप्राविको विद्यालय भवन निर्माणका लागि काम सुरु गरिसकेको जानकारी घिमिरेले दिनुभयो । करिब रु १५ लाख लाग्ने अनुमान गरिएको उक्त भवन निर्माणका लागि अहिलेसम्म रु आठ लाख सङ्कलन भइसकेको र अझै रु सात लाख रकम जोहो गर्न बाँकी रहेको सचिव अनिल ढकालले बताउनुभयो ।

यसैबीच जापानमा बस्ने दीपक नेपालले सो विद्यालय निर्माणका लागि जापानमा बस्ने नेपालीबाट सङ्कलित रु पाँच लाख ५४ हजार नगद सहयोग उपलब्ध गराउनुभएको छ । चितवनका प्रमुख जिल्ला अधिकारी विनोद प्रकाश सिंहले पत्रकारले उदाहरणीय काम गरेको प्रतिक्रिया दिनुभयो ।