साउदी अरबका सरकारी अधिकारीका अनुसार उक्त घटनामा १०७ जनाको मृत्यु भएको थियो । त्यस्तै ३०० भन्दाबढी इस्लाम धर्मालम्बी घटनामा घाइते भएका थिए ।

साउदी अरबस्थित पाकिस्तानी राजदूत मन्जुर उल–हकले मस्जिदमा भएको दुर्घटनामा छ जना पाकिस्तानी नागरिकको मृत्यु भएको र ३६ जना घाइते भएको बताउनुभयो ।

सबै घाइते पाकिस्तानी नागरिकको मक्कास्थित विभिन्न तीन अस्पतालमा उपचार भइरहेको राजदूतावासले जनाएको छ ।

हजयात्रामा गएका १० जना पाकिस्तानी नागरिक हराइरहेको पाकिस्तानी स्रोतले बताएको छ ।

यो वर्षमात्रै मक्कामा १ लाख ५० हजार पाकिस्तानी नागरिक प्रार्थनासभामा सहभागी हुन गएको धार्मिक मामिला मन्त्रालयले जनाएको छ ।