मुलुकका विभिन्न भागमा विरोध प्रदर्शनका क्रममा सरकारले दमन गरिरहेको, समस्या समाधान गर्न सरकारले ध्यान नदिएको लगायतका विषयमा सभासद्हरुले कुरा उठाएपछि सभामुख नेम्वाङले गृहमन्त्रीलाई उक्त निर्देशन दिनुभएको हो ।

उहाँले तराईका विभिन्न भागमा जमिन सुक्खा भएर बाँझो रहेको र हज कमिटीको भत्ताबारे पनि पटकपटक संसद्मा कुरा उठेकाले ती विषयमा पनि संसद्को अर्को बैठकमा जानकारी गराउन सम्बन्धित मन्त्रीलाई निर्देशन दिनुभयो ।

सभामुख नेम्वाङले संसद्को हरेक बैठकमा सभासद्ले उठाउने महत्वपूर्ण विषयको तत्काल सम्बोधन गरिनुपर्ने भएकाले संसद्को हरेक बैठकमा सरकारका मन्त्रीहरु उपस्थित हुनुपर्नेतर्फ पनि सरकारको ध्यानाकर्षण गराउनुभयो ।