अमेरिकामा भूकम्प पिडितको सम्झनामा रक्तदान

अमेरिकाको वाटर फोर्ड मिचिगनमा गत अगस्त २२ तारिख एव्रेस्ट तेक्वान्दो प्रशिक्षण भवनमा पहिलो पटक नेपालीहरुको प्रयासमा नेपालमा भएको भूकम्प पिडितहरुको सम्झनामा रक्तदान कार्यक्रम सम्पन्न भएको छ l

जसमा अमेरिका रेडक्रसको पूर्ण सहयोगमा ज्योति एव्रेस्ट तेक्वान्दो संघ ,एनआरएन मिचिगन शाखा र युनिभर्सल नेपलिज ते क्वान्दो फेडेरेसनको सक्रियतामा उक्त कार्यक्रम सफलता पुर्वक सम्पन्न भएको छ l

सो कार्यक्रम मिचिगन स्थित जन समुदायहरुको ठुलो जमघट भएको थियो l जसमा ३० जनाले रक्तदान गरेका थिए l यस किसिमको कार्यक्रमले अन्य थप कार्यक्रम गर्न हौसला मिलेको कुरा एनआरएन मिचिगन शाखाका अध्यक्ष जगन लाल श्रेष्ठले बताए l

कार्यक्रमको लागि स्थानीय समाज सेवी शरण श्रेष्ठ , एनआरएन मिचिगनका अध्यक्ष जगन लाल श्रेष्ठ , ज्योति एवेरेस्ट तेक्वान्दोका प्रशिक्षक अमुल गोर्खाली र अन्टिकका महासचिब लव प्रसाद गोर्खालीको संयोजनमा पहिलो पटक आयोजना गरिएको थियो l