शुक्रबार, असार ४ २०७८
काठमाडौं ०७:३१
वासिङटन डिसी 21:46

तेरापन्थी प्रोफेसनल फोरमको अन्तर्राष्ट्रिय सम्मेलन सुरु

इनेप्लिज २०७२ भदौ ६ गते २:३४ मा प्रकाशित

सुन्दरदुलारी (मोरङ), ६ भदौ । चतुर्मासको अवसर पारेर शनिबारदेखि तेरापन्थी प्रोफेसनल फोरमको आठौँं अन्तर्राष्ट्रिय सम्मेलन विराटनगरमा सुरु भएको छ ।

व्यावसायिक संस्था केएल दुगड समूहको आयोजनामा भएको सम्मेलनमा नेपाल, भारत सिङ्गापुर तथा दुबईका गरी तीन सयभन्दा बढी प्रतिनिधिको सहभागिता छ । जैन भवनमा जैन गुरु आचार्य महाश्रवणको आशिष वचनसँगै सम्मेलन प्रारम्भ भएको थियो ।

कार्यक्रममा चौधरी ग्रुपका अध्यक्ष विनोद चौधरीलेसफल व्यवसायी बन्न कर्म र सही सङ्कल्प उत्तिकै आवश्यक रहेको बताउनुभयो ।प्रोफेसनल फोरमका ओभरसिज जोन अध्यक्ष विकास दुगडले सम्मुनत समाजको निमार्ण नै फोरमको मुख्य उद्देश्य रहेको बताउनुभयो ।

दुई दिनसम्म चल्ने सम्मेलनमा अनलाइन बिजनेस तथा नेपाल भारतको व्यापार व्यवसाय तथा धर्मका बारेमा छलफल हुने फोरमका विराटनगर अध्यक्ष सन्तोष जैनले बताउनुभयो ।

प्रतिक्रिया