शुक्रबार, जेठ ६ २०७९
काठमाडौं ००:३६
वासिङटन डिसी 14:51

बाढीले काठेपुल बगाएपछि यातायात सञ्चालनमा कठिनाइ

इनेप्लिज २०७२ भदौ ५ गते ४:१२ मा प्रकाशित

ilam_nepal_mapइलाम, ५ भदौ । निरन्तरको वर्षापछि माईखोलामा आएको बाढीले उत्तरी इलामको जमुना जाने काठेपुल बगाएपछि यातायात सञ्चालनमा कठिनाइ उत्पन्न भएको छ ।

एक दशकअघि लगाइएको सो पुल बाढीले बगाएपछि जमुना र सदरमुकामको सम्बन्धविच्छेद भएको छ । जमुना–४ र सुलुबुङ–७ को बीचमा रहेको पुल नहुँदा अहिले जमुनामा खाद्यान्न लैजान, त्यहाँ उत्पादित कृषिउपज, दूध खेर गइरहेको गाविसका प्राविधिक रमेश भट्टराईले बताउनुभयो ।

उक्त पुल हुँदै जमुनाको धापसिमसार, रेडपाण्डा पाइने चोयाटार सामुदायिक वन, पर्यटकीयस्थल सन्दकपुर जाने पर्यटकसमेत मारमा परेका छन् ।

यहाँबाट प्याङ, जमुना चल्ने एक दर्जन सवारीसाधन बन्द भएका छन् । पुल नहुँदा एक÷दुई वटा सवारीसाधन मावुको तीनकुने हुँदै जोखिमपूर्ण यात्रा गरिरहेका छन् ।

इलाम नगरपालिका र सोयाङ तथा नामसालिङ गाविसबीचमा पर्ने माईखोलामा तीन वटाभन्दा बढी पक्की मोटर जाने पुल बनिए पनि उत्तरी क्षेत्रमा पुल नबनेको स्थानीयको गुनासो छ । “पहुँच पुग्नेकामा तीन÷चार वटा पुल छ, कतै एउटा पनि पक्की पुल छैन,” भट्टराईले दुखेसो पोख्दै भन्नुभयो ।

उक्त स्थानमा पक्की पुल निर्माण गर्न माग राख्दै स्थानीय रानजीतिक दल, बुद्धिजीवीसहितको टोली जिविसमा पुगेको थियो । जिविसले समेत उक्त स्थानमा पुल निर्माण गर्न पहल गर्ने बचन दिएको गाविस सचिव चेतनाथ निरौलाले भन्नुभयो ।

विसं २०६३ मा स्थानीयले श्रमदान र रु छ लाखको लागतमा काठेपुल निर्माण गरिएको थियो ।

प्रतिक्रिया