बुधबार, असार ९ २०७८
काठमाडौं ०५:१४
वासिङटन डिसी 19:29

भारतीय प्रम मोदीले विहारका लागि १ लाख करोड सहयोगको घोषणा

इनेप्लिज २०७२ भदौ १ गते १५:४७ मा प्रकाशित

modiविहार (भारत), १ भदौ । भारतको विहार प्रान्तमा हुन गइरहेको निर्वाचनको पूर्व सन्ध्यामा भारतीय प्रधानमन्त्री नरेन्द्र मोदीले मङ्गलबार ठूलो धनराशिको सहयोगको घोषणा गर्नुभएको छ ।

प्रधानमन्त्री मोदीले आफ्नो भारतीय जनता पार्टी (बीजेपी) लाई सत्तामा पु¥याएमा उक्त प्रान्तले विकासको नयाँ आयाम चुम्नसक्ने भन्दै १.२५ लाख करोडको आर्थिक सहयोगको घोषणा गर्नुभएको हो ।

आफ्नो अबुधाबीको दुईदिने भ्रमण पूरा गरी सोमबार स्वदेश फर्किनु भएका मोदीले बीजेपीको पूर्व सहयोगी नितेश कुमारलाई सङ्केत गर्दै भन्नुभएको छ, विहारको प्रतिष्ठामाथि खेलबाड गरी आफ्नो राजनीतिक लाभका लागि काम गर्नुभन्दा बीजेपीलाई निर्वाचनमा सघाउन अनुरोध गर्नुभएको छ ।

“म आज मेरो पार्टी बीजेपीको पूर्व एलायन्स ‘युनाइटेड प्रोग्रेसिभ एलायन्स (यूपीए)’ सँगको प्रतिज्ञा पूरा गर्न तयार छु ।” मैले १.२५ लाख करोडको सहयोग विहारको विकासका लागि घोषणा गर्दै छु । अब तपाई मलाई विहारको भाग्य परिवर्तन गर्नका लागि आशिष दिनुुस् । विकासले मात्रै विहारलाई फाइदा दिन सक्छ र यहाँ व्याप्त गरिबी निवारण गर्न सकिने छ,” भारतीय प्रधानमन्त्री मोदीले भन्नुभयो ।

अब विहारले विकासको उच्च सम्भावनालाई चुम्न सक्छ, मोदीले एक सरकारी कार्यक्रमका अवसरमा आज बताउनुभयो । उहाँले आजै समग्र राज्यका लागि कैयौँ अरु योजना पनि प्रक्षेपण गर्नुभयो ।

मोदीले विहारका लागि यो सहयोग प्याकेज बजेटमा व्यवस्था गरिएका अन्य योजना बाहेक छुट्टै योजनाका रुपमा घोषणा गर्नुभएको हो ।

प्रतिक्रिया