शुक्रबार, असार ४ २०७८
काठमाडौं ०६:०४
वासिङटन डिसी 20:19

भूतखेल मैदानमा टोखा वडा कप फुटबल हुने

इनेप्लिज २०७२ साउन ३२ गते १०:३४ मा प्रकाशित

11535845_989068034446689_7672953248457461807_n (1)काठमाडौं, ३२ साउन । काठमाडौंको टोखामा वडा कप फुटबल प्रतियोगिताको आयोजना गरिने भएको छ ।

बालप्रेमी खेलकुद मण्डल टोखाको आयोजनामा यही भाद्र २ गतेदेखि नयाँगठित टोखा नगरपालिकाका वडाहरुबीच फुटबल प्रतियोगिता हुने भएको हो ।
काठमाडौंको उत्तर इलाकामा पर्ने ५ वटा गाविसहरु झोर महाकाल, टोखा चण्डेश्वरी, टोखा सरस्वती, धापासी र गोंगबुलाई समेटेर बनाएको यस नगरपालिकाका बासिन्दाहरु बीच सौहार्द र एकताका लागि यो प्रतियोगिता आयोजना गरेको बालप्रेमी खेलकुद मण्डलका अध्यक्ष रमेश डंगोलले बताए ।
१२ वटा वडाका टोलीहरु सहभागी यस प्रतियोगिताको उद्घाटन भाद्र २ गते राष्ट्रिय खेलकुद परिषद्का सदस्य सचिव केशव विष्टले गर्नेछन् ।
फाइनल खेलको अवलोकन तथा पुरस्कार वितरण खेलकुद मन्त्री पुरुषोत्तम पौडेलले गर्ने आयोजकले जनाएको छ । खेलहरु टोखा नगरपालिका वडा नं ६ अन्तर्गत भूतखेल खेल मैदानमा हुनेछन् ।

प्रतिक्रिया