बँदेलको बथानले गाविसको वडा नं ७, ८ र ९ मा धान, मकै, उखु बाली खाएर नोक्सानी पु¥याएको हो ।

दैनिक ३० बढीको सङ्ख्यामा खेतमा छिर्ने बँदेलको बथानले बाला निस्कनै लागेको धान, मकै, उखु खाएर व्यापक नोक्सानी पुर्‍याएको स्थानीय मदनराज भट्टले बताउनुभयो । हालसम्म कृषकको सात बिगाह बढी खेतमा बँदेलले नोक्सानी पु¥याएको उहाँले बताउनुभयो ।

“बँदेल नियन्त्रण गर्नका लागि वर्षाको पर्वाह नगरी खेतमै रातभर जाग्राम बस्नुपर्ने अवस्था रहेको छ” उहाँले भन्नुभयो । आरक्ष कार्यालयलाई बँदेल नियन्त्रणका लागि आग्रह गरे पनि नियन्त्रणको प्रयास हुन नसकेको यहाँका कृषकको भनाइ रहेको छ ।

यसैगरी, बेलौरी नगरपालिका–१२ रतनपुर नयाँ बस्तीका बासिन्दाले समेत बँदेलको समस्या झेल्दै आएका छन ।