मंगलबार, असार ८ २०७८
काठमाडौं ११:३१
वासिङटन डिसी 01:46

बाढीबाट लाखौँ विस्थापित हुदा निर्वाचन अभियानमा असर

इनेप्लिज २०७२ साउन ३१ गते १२:४५ मा प्रकाशित

myanmar_map (1)याङगुन, ३१ साउन । हालैको मनसुनी वर्षाबाट म्यानमारमा आएको बाढीका कारण राष्ट्रव्यापी रुपमा विस्थापित हुने व्यक्तिको सङ्ख्या सात लाख नाघेको बताइएको छ ।

म्यानमारको कृषि तथा सिँचाइ मन्त्रालयले शनिबार दिएको जानकारी अनुसार म्यानमारका कयौँ क्षेत्रमा वस्ती नै खाली गरिएको र अरु कयौँ स्थानमा निकै ठूलो प्रभाव पारेको बताइएको छ ।

भीषण बाढीका कारण कारण म्यानमार भरी सयजनाभन्दा बढीको ज्यान पनि गइसकेको समाचार यसअघि नै आएको थियो । साथै दर्जनौँ व्यक्ति हराइरहेका पनि बताइएको छ ।
म्यानमारको समाजकल्याण, उद्वार तथा पुनर्वास मन्त्रालयले उद्वारको काम पनि तदारुकताका साथ भइरहेको जानकारी दिएको छ ।

यस बाढीबाट राखिन, मन्दालायबाट, साङगइ्ङग, सान राज्यहरु बढी मात्रामा प्रभावित भएका उक्त मन्त्रालयले जनाएको छ ।

भारी मात्रामा वर्षासँगै म्यानमारका विभिन्न क्षेत्रमा बाढीको प्रकोप निकै बढेको छ । सो बाढीका कारण अरु पनि कयौँ नागरिक हराएका छन् ।

यसैबीच म्यानमारबाट प्राप्त अर्काे एक समाचारअनुसार म्यानमारमा आगामी नोभेम्बर महिनामा हुन लागेको आमनिर्वाचन पनि यस बाढीका कारण प्रभावित भएको जनाइएको छ ।

समयमै निर्वाचन सम्पन्न हुने काममा बाढीले कुनै असर नगर्ने भएपनि उद्वारका लागि कयौँ कर्मचारी र सुक्षाकर्मी खट्नुपर्ने भएकोले निर्वाचनको तयारीका कतिपय कामहरु ढिला हुन पुगेको कुरा अधिकारीहरुले जनाएका पनि समाचारमा जनाइएको छ ।

प्रतिक्रिया