अमेरिकामा हरेक बर्ष ‘फेडरेसन अफ इन्डो अमेरिकन’ संस्थाले आयोजना गर्ने फेस्टिबल अफ ग्लोबमा नेपाली चलचित्रका युवा निर्माता /निर्देशक शंकर घिमिरे तथा निर्मात्री तथा नायिका ऋचा घिमिरेले अभिनय गरेको सामाजिक कथानक चलचित्र ‘तुलशी ‘क्यालिफोर्निया राज्यको सनफ्रान्सिस्को सन जोसमा प्रदर्शन गरिएको छ l

उक्त चलचित्र नेपाली चलचित्रका नायिका केकी अधिकारी ,नन्दिता केसी ,निर्देशक शंकर घिमिरे ,स्वयम् ऋचा घिमिरे अन्य कलाकार तथा दर्शकको साथ संगै बसेर हेरेको घिमिरेले बताईन l नेपाली चलचित्रकि निर्मात्री तथा नायिका ऋचा घिमिरे झन्डै २ बर्ष अगाडी अमेरिकाका विभिन्न शहरमा तुलशी चलचित्र प्रदर्शनको लागि सपरिवार अमेरिका आएकी हुन् l

उनले क्यालिफोर्नियाबाट कुराकानी गर्दै आफ्नो चलचित्र तुलशी छनौटमा परेकोमा हर्ष व्यक्त गर्दै प्रदर्शन गर्ने समेत मौका पाईएकोमा यो भन्दा ठुलो कुरा के हुन् सक्छ भनिन l अहिले सम्म तुलशी चलचित्र नेपालमा देखाउन नसकेकोमा दुखेसो पोख्दै समय कसो नआउला भन्दै यस्ता ठुला कार्यक्रममा सहभागिता हुनु नै हामी उत्प्रेरित हुनु हो भनिन l

तुलशी चलचित्रको प्रथम प्रदर्शन (प्रिमिएर )भने बाल्टिमोरमा २०१३ को डिसेम्बरमा भब्यताको साथ शानदार प्रदर्शन भएको थियो l तुलशी चलचित्रलाई अवसर दिएकोमा फेस्टिबल अफ ग्लोब आयोजक ,समुह ,नेपाली चलचित्र हेर्ने दर्शक तथा माया गर्ने सबैलाई कृतज्ञता दिन चाहेको बताईन l

नायिका घिमिरेले यो चलचित्र आफुलाई पनि निकै जचेको र आफुले निकै मेहनत गरेकोले यो चलचित्र हृदयमा बसेको छ भनिन l यो चलचित्र हेर्ने सबैले राम्रो लागेको आफुलाई जानकारी दिएका छन् भन्दै मेरो अन्य चलचित्र बिलाए पनि तुलशी कालजयी बनोस भन्ने मेरो भित्रि चाहना रहेको बताइन l

गत अगस्ट ७ देखी १६ सम्म भै रहेको उक्त चलचित्र महोत्सव मा ३० देशका २५० वटा फिल्म प्रदर्शन गरिदै छ l उक्त महोत्सव मा हलिउडका प्रख्यात कलाकार ज्याक्की चन, स्यारोन स्टोन तथा बलिउडबाट बिध्या बालन, रानी मूखर्जी, गायक सोनु निगम लगायतको उपस्थिती हुने महोत्सवमा सुनील थापाको पनि उपस्थिति रहेको थियो l

यसको साथै बिश्व भरका कलाकार, पत्रकार,चलचित्र निर्माता, निर्देशक, लेखकहरु उपस्थित भएका छन् l

तस्बिर सौजन्य :अनुज थापा