बिहीबार, असार १६ २०७९
काठमाडौं २१:३४
वासिङटन डिसी 11:49

सुर्खेतको आन्दोलनप्रति सांसदहरू विभाजित !

इनेप्लिज २०७२ साउन २७ गते ११:२० मा प्रकाशित

Samsad-Meeting-Bicc-650x335आन्दोलन हिंसात्मक भएकोमा चिन्ता व्यक्त

काठमाडौं, २७ साउन । सांसदहरूले सुर्खेत जिल्लामा जारी आन्दोलन नियन्त्रण बाहिर गएको भन्दै चिन्ता जनाएका छन् ।

उनीहरूले आफ्ना जायज माग राख्दा शान्तिपूर्ण रुपमा राख्न आन्दोलनकारीहरूलाई आग्रह गरे ।
संसदको आजको बैठकमा विशेष समयमा धारणा राख्ने सांसदहरूले आन्दोलनलाई शान्तिपूर्ण र व्यवस्थित बनाइनुपर्ने बताए ।
केही सांसदहरूले भने शान्तिपूर्ण आन्दोलनमा प्रहरीले ताकेर गोली हानेको आरोप लगाए ।
सांसद सुशील श्रेष्ठले सुर्खेतको आन्दोलन शान्तिपूर्ण रहेको दाबी गर्नुभयो । उहाँले प्रहरीले ताकेर प्रहरीले प्रदर्शनकारीलाई गोली प्रहार गरेको दाबी गर्नुभयो ।
उहाँले दोषी प्रहरीलाई कारबाही र पीडित पक्षलाई क्षतिपूर्तिको माग गर्नुभयो ।
सांसद सीता विकले सुर्खेतको आन्दोलन अराजक बन्दै गएको बताउनुभयो । उहाँले आन्दोलनलाई शान्तिपूर्ण बनाउन आग्रह पनि गर्नुभएको छ ।
‘पार्टी कार्यालय, सरकारी कार्यालय, नेताका घरमा आक्रमण भयो’, विकले भन्नुभयो, ‘यस्तो अराजक प्रदर्शनले कसैको हित गर्दैन ।’
सांसद लक्ष्मण पोखरेले सुर्खेतमा प्रहरीको गोली लागेर मारिकाहरूलाई शहीद घोषणको माग गर्नुभएको छ ।
उहाँले शान्तिपूर्ण प्रदर्शनमा प्रहरीले गोली चलाएको भन्दै छानविन गरी दोषीलाई कारबाहीको माग गर्नुभयो ।

प्रतिक्रिया