सोमबार, जेठ २ २०७९
काठमाडौं २१:२४
वासिङटन डिसी 11:39

३५ मध्ये २९ उजुरीमा मिलापत्र

इनेप्लिज २०७२ साउन २७ गते १:१३ मा प्रकाशित

सोलुखुम्बु, २७ साउन । महिला तथा बालबालिकाको हकहितका लागि स्थापित नेपाल प्रहरी महिला तथा बालबालिका सेवा केन्द्र सोलुखुम्बुमा परेका ३५ वटा घरेलु हिसांसम्बन्धी उजुरीमध्ये २९ वटामा मिलापत्र भएको छ ।

आर्थिक वर्ष २०७१/७२ मा परेको ३५ उजुरीमध्ये पीडक र पीडित उपस्थित नभएकाले छवटा उजुरीको छिनोफानो गर्न बाँकी रहेको जानकारी महिला तथा बालबालिका सेवा केन्द्र सोलुखुम्बुकी कर्मकुमारी बुढाले दिनुभयो ।

यस्तै ११ महिला तथा बालबालिका हराएको उजुरी केन्द्रमा परेको थियो । उजुरीपछि खोजीका क्रममा हराएकामध्ये दुई बालबालिका र तीन महिला फेला परेका थिए भने छजना अझै हराइरहेकाको खोजी कार्य जारी रहेको केन्द्रले जनाएको छ ।

महिला तथा बालबालिकाविरुद्ध हुने अपराधको नियन्त्रण, अनुसन्धान र पीडितलाई आवश्यक सहयोग गर्ने उद्देश्यले स्थापना गरिएको केन्द्रमा बालविवाह, बहुविवाह, बलात्कार, अनमेल विवाह, बालश्रम शोषण, बोक्सीको आरोप, दुव्र्यवहार, महिला तथा घरेलु हिंसा र महिला तथा बालबालिकाविरुद्ध लक्षित अन्य गैरकानुनी क्रियाकलापका बारेमा उजुरी दिन सकिने छ ।

प्रतिक्रिया