इनेप्लिज
२०७२ साउन २३ गते १२:०० मा प्रकाशित
काठमाडौँ, २३ साउन । सिँचाइ मन्त्री नारायणप्रकाश साउदले सङ्घीयतासम्बन्धी विवादित विषय सीमाङ्कन र नामाङ्कनको विषयलाई टुङ्गो लगाएरमात्र संविधान जारी गर्नुपर्ने धारणा राख्नु भएको छ ।
रिपोर्टस क्लबद्वारा यहाँ आज आयोजित साक्षात्कारमा मन्त्री साउदले सङ्घीयतासहित संविधानका अन्य विवादित विषयलाई सहमतिका आधारमा टुङ्गो लगाउँदै युगौँदेखि उत्पीडनमा पारिएको दलित, महिला, मधेसी लगायतको अधिकार सुनिश्चित गरी जतिसक्दो चाँडो संविधान जारी गर्नुपर्ने बताउनुभयो ।
नेकपा (एमाले)का नेता प्रकाश ज्वालाले जनताको चाहना र भावनाको प्रतिनिधित्व हुनेगरी संविधान जारी गर्नुपर्ने भन्दै पहिलो मस्यौदामा आएका जनताका सुझावलाई जतिसक्दो धेरै संविधानमा समावेश गर्नुपर्नेमा जोड दिनुभयो ।
संविधानका विवादित विषयमा पछि टुङ्गो लगाउने गरी विज्ञलाई जिम्मा लगाएर भए पनि संविधान जारी गर्नुपर्ने उहाँको भनाइ छ ।
एकीकृत नेकपा (माओवादी)का सचिव टोपबहादुर रायमाझीले पहिचान र सामथ्र्यका आधारमा संविधान जारी गर्नुपर्ने बताउनुभयो ।
प्रतिक्रिया