ती मध्ये चारजना दाजुभाई भएका मानवअधिकारवादी समूहले आइतबार जानकारी दिएको छ ।

अलेप्पो सहरको पश्चिमी भागमा रहेका साबा अल जादिदा जिल्लामा शनिबार साँझ रकेट आक्रमण भएको जनाइएको छ । अलेप्पो सहरमा हुने गरेका आक्रमणहरुमा नागरिक हताहतीको सङ्ख्या बढेको बताइएको छ ।

सिरियामा सन् २०११ को मार्चबाट सिरियाली राष्ट्रपति बसार अल असादको राजिनामाको माग गर्दै सुरु भएको जनआन्दोलन पछि गएर गृहयुद्धमा परिणत भएको थियो ।

सन् २०११ देखि हालसम्म सिरियामा जारी सो द्वन्द्वमा परी दुई लाख ३० हजार भन्दा बढी व्यक्तिको मृत्यु भइसकेको छ ।

यस द्वन्द्वमा परी लाखौं व्यक्ति घाइते भएका छन भने, लाखौ व्यक्ति देशभित्रै र छिमेकमा पर्ने देशहरुमा शरणार्थी बन्न पुगेका छन् ।