युवा सङ्घ नेपालले आयोजना गरेको सो कार्यक्रमको स्वास्थ्य तथा जनसङ्ख्यामन्त्री खगराज अधिकारीले रक्तदान गरी शुभारम्भ गर्नुभएको थियो ।

मन्त्री अधिकारीले संस्थापक महासचिवको सम्मानमा रक्तदान गर्न पाउँदा खुशी व्यक्त गर्दै मानिसले गरेको रक्तदानले मानिसकै जीवन बचाउन सहयोग पुग्ने हुँदा यसलाई आवश्यकताअनुसार निरन्तरता दिनुपर्नेमा जोड दिनुभयो ।

कार्यक्रममा सङ्घका अध्यक्ष निरुदेवी पाल, महासचिव राजीव पहरी, सचिव अशोक चन्दले समेत रक्तदान गर्नुभएको थियो ।

सङ्घका अध्यक्ष पालले नेपालको राजनीतिक इतिहासमा पुष्पलालले गरेका त्याग र सङ्घर्ष युवाका लागि प्रेरणाको स्रोत बन्न सक्ने बताउनुभयो ।

‘पुष्पलालको योगदानलाई स्मरण गर्दै एकपटक रक्तदान गरौँ’ भन्ने मुलनाराका साथ कार्यक्रमको आयोजना गरिएको थियो ।