पाखापानीको कोटगाउँस्थित कालमुडामा पक्की पुल नहुँदा घाँसीखर्क, पात्लीखर्क, चौरखानी मङ्गले र चिमखोलाका बासिन्दालाई आवातजावत गर्न समस्या भएको हो । केही वर्षअघि आएको बाढीले उक्त स्थानको झोलुङ्गे पुल बगाएपछि हिउँदमा काठे साँघु बनाएर वारपार गरिँदै आएको र बर्खा याममा जोखिम मोलेर यात्रा गर्नुपर्ने बाध्यता रहेको पाखापानी–८ का निरज पुनले बताउनुभयो ।

मानिस र गाईवस्तुलाई आवतजावत गर्न समस्या भएकाले स्थानीयवासीले उक्त स्थानमा पक्की पुल निर्माणको माग गरेका छन् ।