एन आर एन ए कतारको अध्यक्षमा प्रतिबद्धता सहित उत्रिए भट्टराई

गैर आवासीय नेपाली संघ राष्ट्रिय समन्वय परिषदको २०१५ २०१७ को लागि अर्जुन भट्टराई सहित अन्य प्रतिवद्धता सहित उत्रिएका छन् । अर्जुन भट्टराई तथा नविन पोख्रेलको संयोजनमा आयोजित इद मिलन समारोह तथा शुभकामना समारोहमा उनले आफु अध्यक्ष पदमा उम्मेदवारी घोषणा सहित आफ्नो प्रतिबद्धता पेश गरेका हुन् ।

६ बुँदे प्रतिबद्धता सहित आएका भट्टराईका साथमा प्रथम उपाध्यक्षमा नविन पोख्रेल, द्धितिय उपाध्यक्षमा प्रवीण गुरुङ, महासचिवमा करिम बक्स मियाँ, सचिवमा प्रेम बि.क., कोषाध्यक्षमा अब्दुल वासिदले संयुक्त उम्मेदवारी घोषणा गरेका हुन् ।

त्यस्तै गरी आइसीसी सदस्यमा होमनाथ शर्मा र सुनिल मण्डलले पनि आफ्नो उम्मेदवारी घोषणा गरेका छन् भने मध्यामञ्चल प्रतिनिधीमा रहमत हुसेन, पश्चिमाञ्चल प्रतिनिधीमा ठाकुर कुमार परियारले उम्मेदवारी घोषणा गरेका छन् । सोहि इद मिलन समारोहमा युवा संयोजकमा केदार भुषालले पनि आफ्नो उम्मेदवारी घोषणा गरेका छन् भने खुल्ला तर्फ भूपती भट्टराई, सन्तोष दंगाल र लाल भट्टले उम्मेदवारी दिने घोषणा गरेका हुन् ।

सो कार्यक्रममा एन आर एन कतारका अध्यक्ष मक्सुद आलमले आसन्न अधिवेशनका लागि दावेदारहरुलाई शुभकामना दिँदै एन आर एन ए को मूल मर्म र उद्धेश्यलाई बोकेर हिँड्ने र एन आर एन ए कतारको कदलाई उचाईमा पुर्याउन सक्ने सवल कार्यसमितीको खाँचो रहेको बताए ।

कार्यक्रममा बद्रि पाण्डे, सागर नेपाल, नरेन्द्र भाट, चुडामणी कार्की लगायत विभिन्न संघ संस्थाका प्रतिनिधीहरुको पनि उपस्थिती रहेको थियो ।