पानीट्याङ्की (मोरङ), १ साउन । सवारी दुर्घटनामा परी मोरङको राजघाटमा एक युवकको मृत्यु भएको छ ।
उर्लाबारी रङ्गेली सडकअन्तर्गत बिहीबार राति भएको दुर्घटनामा झापा गौरीगन्जका ३५ वर्षीय सन्तोषकुमार यादवको मृत्यु भएको हो । उत्तर उर्लावारीतर्फ जाँदै गरेको मे६प ४८१८ नम्बरको मोटरसाइकल र विपरीत दिशाबाट आउँदै गरेको को१च ७८९४ नम्बरको म्याजिक भ्यान राजघाट–५ स्थित सडकमा एकआपसमा ठक्कर खाँदा मोटरसाइकल चालक यादवको घटनास्थलमै मृत्यु भएको मोरङ प्रहरीले जनाएको छ ।
भ्यान चालक विराटनगर–११ हाटखोलाका २१ को दुर्गा लिम्बूलाई इलाका प्रहरी कार्यालय उर्लाबारीले नियन्त्रणमा लिएर अनुसन्धान गरिरहेको प्रहरीले जनाएको छ ।
खोलामा डुबेर मृत्यु
खोलामा पौडी खेल्ने क्रममा मोरङको हसन्दहमा एक किशोरको डुबेर मृत्यु भएको छ ।
हसन्दह–७ स्थित बक्राहा खोलामा साथीहरुसँग पौडी खेल्ने क्रममा बाढीमा डुब्दा १५ वर्षीय सुरज कुइँकेलको मृत्यु भएको हो । पौडी खेल्ने क्रममा खोलाको बाढीमा डुबेर बेपत्ता भएका सुरजलाई बिहीबार स्थानीयवासी र प्रहरीले खोजी गर्ने क्रममा राति ८ बजे बगरमा मृत अवस्थामा फेला पारेको प्रहरीले जनाएको छ ।
प्रतिक्रिया