वस्तीमाथिको पाखोमा रहेको खोल्साबाट साँझ साढे ५ बजेतिर आएको बाढी क्याम्पसचोकका घरभित्र पसेको हो । लेदो र ढुङ्गासहितको बाढी नाली भरिएपछि फुटेर सडकबाट बग्न थालेपछि घरहरूमा पसेको हो ।

बेनी पाखापानी सडकको आँपरुख खण्डबाट आएको बाढीले निकास पाउन नसकेपछि बजारका सयौं घरहरू डुवानमा परेर जलमग्न भएका छन् । क्याम्पसचोकमा आएको बाढीले शिक्षामार्ग, पिपलचोक, गणेशटोल र न्युरोडको वाणिज्य बैंक चोकसम्मका घरहरू प्रभावित भएका छन् ।

क्याम्पसचोकमा यसअघि २०६३ र २०६९ सालमा पनि बाढी पसेको थियो । बेनी–पाखापानी सडक निर्माणका क्रममा माटो जथाभावी फाल्नुका साथै सडकको ढल व्यवस्थापनमा ध्यान नदिएकाले क्याम्पसचोक बाढीको चपेटामा परेको स्थानीयवासीको गुनासो छ ।