सोमबार, जेठ ९ २०७९
काठमाडौं ०२:१९
वासिङटन डिसी 16:34

इरान सम्झौता आईएसलाई नियन्त्रण गर्ने ‘आम चाहना’: इराक

इनेप्लिज २०७२ असार ३० गते १४:३३ मा प्रकाशित

बग्दाद, ३० असार । इराकले मङ्गलबार इरानसँग सम्पन्न भएको आणविक सम्झौता इस्लामिक स्टेट आईएस जिहादी समूहलाई पराजित गर्ने उद्देश्यका साथ भएको जनाएको छ ।

विश्वका प्रमुख छ शक्ति राष्ट्र चीन, फ्रान्स, रुस, अमेरिका, बेलायत तथा जर्मनी र इरानबीच मङ्गलबार भियनामा सय पाना लामो सम्पन्न भएको सम्झौता एक बृहद् कूटनैतिक सफलता थियो भनिएको छ ।

‘दाएसले हाम्रो क्षेत्रलाई निरन्तर द्वन्द्वमा तान्न खोजेको छ’, इराकी प्रधानमन्त्री हैदर अल अवादीले सामाजिक सञ्जालमा लेख्नुभएको छ ।

‘इरान सम्झौताले अव हाम्रो क्षेत्रमा शान्ति र अमन चैन ल्याउने छ,’ प्रधानमन्त्री अल अवादीले भन्नुभयो ।

आईएसले इराक र सिरियाको ठूलो भूभागमा गतिविधि सञ्चालन गर्दै अहिले इजिप्ट र लिबिया लगायत देशमा आफ्नो सञ्जाल विस्तार गरेको छ ।

प्रतिक्रिया