अस्पतालको सामाजिक सेवा एकाइका प्रमुख कामेश्वर झाले आव ०७१/७२ मा पूर्वाञ्चलका विभिन्न क्षेत्रका विपन्न, गरिब, दलित, महिला, आदिवासी जनजाति, सीमान्तकृत र पिछाडिएका र वृद्धवृद्धालाई निःशुल्क सेवा प्रदान गरिएको जानकारी दिनुभयो ।

अस्पतालमा भर्ना भएका नौ हजार सर्वसाधारणलाई एक्सरे, इसिजी, ल्याब टेस्ट, शल्यक्रिया, फिजियो थेरापी, श्ययालगायतमा निःशुल्क गरिएको अस्पताल प्रशासनले जनाएको छ ।

गत वर्ष झन्डै आठ हजारको हाराहारीका विपन्न, गरिब, दलित, महिला, आदिवासी जनजाति, सीमान्तकृत र पिछाडिएका र वृद्धवृद्धालाई सेवा प्रदान गरिएको थियो ।

सो अस्पतालमा पूर्वका विभिन्न जिल्लाबाट दैनिक एक हजार सर्वसाधारण सेवा लिन आउने गरेको अस्पताल प्रशासनले जनाएको छ ।