सोमबार, जेठ २ २०७९
काठमाडौं २०:५१
वासिङटन डिसी 11:06

बम आक्रमण्मा तीनको मृत्यु

इनेप्लिज २०७२ असार २७ गते १५:२६ मा प्रकाशित

images-3कुन्दुज (अफगानिस्तान), २७ असार । उत्तरी अफगानिस्तानको कुन्दुज प्रान्तमा आइतबार सुरक्षाबलको एक समूह लक्षित सडक किनारमा रहेको बम विस्फोटमा परी कम्तीमा तीन सर्वसाधारणको मृत्यु भएको छ । सो आक्रमणमा अन्य १० जना घाइते भएका एक सरकारी अधिकारीले जानकारी दिएको छ ।

सो बम विस्फेटमा परी तीन सर्वसाधारणको मृत्यु भएको र दशजना घाइते कुन्दुज अस्पतालमा भर्ना भएका प्रान्तीय चिकित्सक स्रोतले सिन्ह्वा समाचार समितिलाई नाम नबताउने सर्तमा बताएको छ ।

स्थानीय समयाअनुसार आइतबार बिहान ७ः१५ भएको यस आक्रमणमा घाइते मध्य तीनजना सुरक्षा अधिकारीहरु रहेका सुरक्षास्रोतले जानकारी दिएको छ ।

स्पीन्जार इलाकाको एक सडकमा सैनिकको एक सवारीसाधनलाई लक्षित यस बम आक्रमणमा एक सैनिक सवारीसाधन ध्वस्त हुनुको साथै अन्य कैयाँै नागरिकको सवारीसाधन ध्वस्त भएको बताइएको छ ।

ताजीकिस्तानको सीमा क्षेत्रमा पर्ने यस प्रान्तमा यस वर्षको सुरुमा सुरक्षाबल र आतङ्ककारीबीच भीषण युद्ध जारी रहेको थियो ।

अफगानिस्तानको राजधानीदेखि २५० किलोमिटर उत्तरमा पर्ने प्रान्तीय राजधानी कुन्दुज सरहनजिकै कैयौ जिल्ला तालिवानी आतङ्ककारी समूहले कब्जा लिन खोजेका थिए ।

अफगानिस्तानमा रहेको संयुक्तराष्ट्र सङ्घीय नियोगका अनुसार सन् १०१५ को सुरुदेखि चार महिनाभित्रमा तालिवान आतङ्ककारीसँग आवद्ध हिंसामा अफगानिस्तानमा ९६० भन्दा बढी व्यक्तिको मृत्यु भएको छ । त्यसैगरी सो हिंसामा अन्य एक हजार ९६० व्यक्ति घाइते भएका पनि नियोगले जनाएको छ ।

प्रतिक्रिया