एक हजार तिरेर वृक्षरोपण

इनेप्लिज २०७२ असार २७ गते ४:४५ मा प्रकाशित

Chitwan_district_locationचितवन, २७ असार । नागरिकले रु एक हजार तिरेर चित्रवन नगरपालिकामा वृक्षरोपण गरेका छन् ।

नगरवासी र विभिन्न संस्थाले दिवङ्गत परिवारका नाममा र सम्झनाका लागि शनिबार बिरुवा रोपेका हुन् । एक बिरुवाका लागि रु एक हजार तिरेर एक बिरुवा रोप्न पाउने व्यवस्था गरिएको छ । पहिलो दिन मात्रै ३०० बिरुवा रोपिएको छ ।

यसअघि धेरै स्थानमा वृक्षरोपण भए पनि त्यसको संरक्षण खासै हुन नसकेको भन्दै नागरिकलाई बिरुवाप्रति भाव जगाउनका लागि पनि स्मृति वृक्षबाटिकाको अवधारणा अघि ल्याइको हो ।

प्रत्येक बिरुवामा बिरुवा रोप्नेको परिचय पनि राखिएको छ । यसले नागरिकमा बिरुवाप्रतिको मोह जगाएको चित्रवन नगरपालिकाका कार्यकारी अधिकृत रामचन्द्र अर्यालले बताउनुभयो । वृक्षरोपणको सङ्घीय मामिला तथा स्थानीय विकास मन्त्रालयका उपसचिव चक्रपाणि शर्माले बिरुवा रोपेर सुरुआत गर्नुभएको थियो ।सो क्षेत्रमा करिब एक हजार बिरुवा रोप्ने योजना रहेको कार्यकारी अधिकृत अर्यालले बताउनुभयो ।

प्रतिक्रिया