बाघले स्थानीयवासीका बाख्रा खोरबाटै उठाएर लान थालेपछि बाख्रापालक किसान चिन्तित बनेका छन् । भर्खरै प्रसाईं बाख्रापालन फार्मका जयप्रसाद प्रसाईंको शान्तिपुर–७ बर्फल्याङस्थित बाख्राको खोरबाट बाघले तीन बाख्रको सिकार गरेको छ ।

बाघले आफ्नै बारीमा बाख्रा आधा खाएको अवस्थामा फेला परेको थियो । बाख्रा हराएर खोजी गरेपछि अम्लिसो बारीमा आधाआधा बाख्रा फेला परेका थिए । यस्तै शान्तिपुरका धेरैजसो किसानका बाख्रा हराउने क्रम रोकिएको छैन ।

घिमिरे बाख्रापालन फार्मका सञ्चालक लक्ष्मी घिमिरेका अनुसार स्थानीयवासी कुमार गुरुङ र थाननाथ सुवेदीसमेतको बाख्रा बाघले खाइदिएको छ । यस्तै नन्दलाल प्रसाईंको बाख्रा हराएको छ । बर्सेनि बाघको प्रकोप बढेको उनीहरुको भनाइ छ । बाघले बाख्रा खाए पनि त्यसको उचित क्षति पाउन नसकेको किसानले बताएका छन् ।