शुक्रबार, जेठ ६ २०७९
काठमाडौं ००:१३
वासिङटन डिसी 14:28

तेत्तीस दलीय मोर्चाले संविधानको प्रस्तावित मस्यौदा जलायो

इनेप्लिज २०७२ असार २६ गते १५:५१ मा प्रकाशित

काठमाडौँ, २६ असार । नेकपा–माओवादी नेतृत्वको ३३ दलीय राष्ट्रिय मोर्चाले नयाँ संविधानको प्रस्तावित मस्यौदा जलाएको छ ।

मोर्चाका कार्यकर्ताहरु शान्तिवाटिकाबाट नारा जुलुससहित भोटाहिटी पुगेर कोणसभा गरेका थिए ।

सभामा बोल्दै माओवादी उपत्यका इन्चार्ज दिनेश शर्माले जनअपेक्षा बिपरित जनताको हक, अधिकार कटौती गर्ने गरी संविधान ल्याउन लागिएकोले मस्यौदा च्यात्न लागिएको बताउनुभयो ।

उहाँले उत्पिडित वर्ग र समुदायलाई अधिकारबाट फेरी पनि वञ्चित गर्ने प्रयत्न विरुद्ध आन्दोलनमा उत्रिनुको विकल्प नभएको धारणा राख्नुभयो ।

दलहरुबीच भएको १६ बुँदे सहमतिले मुलकलाई परिवर्तनको बाटोमा अघि बढ्नबाट रोकेको उहाँको जिकिर थियो ।

कोणसभा लगत्तै इन्चार्ज शर्माले मस्यौदाको प्रति च्यात्नु भएको थियो भने कार्यकर्ताले मस्यौदा जलाएका थिए ।

प्रतिक्रिया