दैजी गाविसअन्तर्गत रहेको कृषि वन तथा वातावरण समितिले छनोट गरेका कृषकलाई अनुदान रकम प्रदान गरिएको हो ।

गाविसको वडा नं १ देखि ९ सम्मका व्यावसायिक पशुपालनमा लागेका कृषकलाई रु पाँच हजार २०० का दरले रकम उपलब्ध गराएको कृषि विकास कार्यालय कञ्चनपुरका बाली संरक्षण अधिकृत देवीदत्त कलौनीले बताउनुभयो ।

पचास जनालाई रु दुई लाख ६० हजार वितरण गरिएको जानकारी उहाँले दिनुभयो । “भकारो निर्माण गरेका कृषकले पशुको मुत्र सङ्कलन गरी खेतबारीमा छर्केमा युरिया र कीटनाशकको कार्य भएकाले यसलाई अभियानकै रुपमा लागू गरिएको हो” उहाँले भन्नुभयो ।

पशुको मुत्र सङ्कलन गरी खेतबारीमा छर्कने गरेमा बजारबाट रासायनिक मल युरिया र कीटनाशक विषादी खरिद गरेर हाल्नु नपर्ने भएकाले खर्चको कटौती र स्वस्थवद्र्धक कृषि उत्पादन लिन सकिने उहाँको भनाइ छ ।