पर्यटनसम्बन्धी पत्रिका(म्यागजिन) इमेज नेपालको २७औँ वार्षिकोत्सवका अवसरमा आज यहाँ आयोजित कार्यक्रममा उहाँले पर्यटन प्रवद्र्धनका लागि सरकार निजी क्षेत्रसँग सहकार्य गर्न तयार रहेको उल्लेख गर्नु भयो ।

मन्त्री शेर्पाले भूकम्पका कारण अहिले पर्यटन क्षेत्रले केही सङ्कट महसुस गरे पनि आगामी वर्ष यस क्षेत्रलाई आम्दानीको गतिलो स्रोतका रुपमा विकास गर्नेमा ढुक्क हुन पर्यटन व्यवसायीलाई आग्रह गर्नुभयो ।

उहाँले भन्नुभयो, “सरकारको त्यहीअनुसारको नीति तथा कार्यक्रम आएको छ, अब पर्यटन प्रवद्र्धन गर्न कम्तीमा पनि एक जिल्लामा एक विमानस्थल बनाउने योजना छ ।”

पर्यटन मन्त्रालयका सचिव सुरेशमान श्रेष्ठले सरकारले पर्यटन क्षेत्रलाई अघि बढाउन दाता राष्ट्रको वैठक बसाउनका साथै व्यवस्थापिका–संसद्को विकास समितिमा ५१ बुँदे घोषणापत्रसमेत जारी गरेको जानकारी दिनुभयो ।