इनेप्लिज
२०७२ असार ५ गते ३:२३ मा प्रकाशित
कञ्चनपुर, ५ असार । कञ्चनपुरको रैकवार विचवा गाविसमा शतप्रतिशतको शौचालयमा पहुँच पुगेको छ ।
नेपाल रेडक्रस सोसाइटी कञ्चनपुरले १० महिना अघिदेखि खानेपानी स्वच्छता तथा सरसफाइ परियोजना सञ्चालन गरेपछि गाविसका नौवटै वडाका दुई हजार ९४४ घरधुरीका बासिन्दाको शौचालयमा पहुँच पुगेको हो ।
परियोजना सञ्चालनअघि यहाँ बसोवास गर्ने ८५० घरधुरीले मात्रै शौचालयको प्रयोग गर्दै आएका थिए । गाविसले शौचालय नबनाउनेको सेवा सुविधा रोक्ने निर्णय गरेपछि सबैले शौचालय निर्माण गरी प्रयोग गर्दै आएको गाविसका सचिव रामप्रसाद बोहराले बताउनुभयो ।
शौचालय प्रयोग गर्दै आएकामध्ये २४ परिवारले संयुक्तरुपमा शौचालय निर्माण गरेका छन् ।
प्रतिक्रिया