इनेप्लिज
२०७२ असार ४ गते २:१६ मा प्रकाशित
परासी, ४ असार । नवलपरासीको ग्रामीण क्षेत्रका अधिकांश सरकारी विद्यालयमा आजभोलि विद्यार्थीहरु चौरमा बसेर अध्ययन गरिरहेका छन् ।
गर्मी निकै बढेका कारण विद्यार्थीहरु कक्षा कोठामा बस्न नमानेपछि चौरमा राखेर अध्ययन गराउन बाध्य भएको विद्यालयहरुले जनाएका छन् ।
गर्मी बढेपछि विद्यार्थी विद्यालय आउन नमान्ने र आएपनि कक्षा कोठामा बस्न नमान्दा बाहिर चौरमा अध्ययन गराउँदै आएको शिक्षकहरुको भनाइ छ ।
जिल्लामा अहिले तापक्रम करिब ४२ डिग्रीसम्म पुग्ने गरेको छ । गर्मी बढेपछि अधिकांश विद्यार्थी विद्यालयसमेत आउन छाडेको ती विद्यालयले बताएका छन् ।
प्रतिक्रिया