कतारमा रहेका म्याग्दीवासीको संस्था म्याग्दी सेवा समाज दोहा कतारले घर्तीको घरपरिवारलाई राहतस्वरुप रु एक लाख ५५ हजार सहयोग गरेको हो ।

शुक्रबार बेनीमा स्वर्गीय घर्तीको धर्मपत्नी तुलसी र आमा हरीमाया घर्तीलाई प्रमुख जिल्ला अधिकारी टेकबहादुर केसी र म्याग्दी सेवा समाज दोहा कतारका सञ्चार संयोजक हरिकृष्ण गौतममार्फत उक्त सहयोग हस्तान्तरण गरिएको हो ।

कतारमा रहेका नेपालीहरुबाट सङ्कलन गरी उक्त सहयोग उपलब्ध गराइएको संयोजक गौतमले जानकारी दिनुभयो । गत फागुन १९ गते कतारमा सवारी दुर्घटनामा परी घर्तीको मृत्युभएको थियो ।