जिल्ला दैवीप्रकोप उद्धार व्यवस्थापन समितिका अध्यक्ष उद्धवप्रसाद भट्टराईका अनुसार ५१६ जना मृतकका आफन्तलाई रु ४० हजारका दरले राहत वितरण गरिएको हो ।

यसैगरी घर पूर्णरुपमा क्षति भएका १० हजार ६२५ घरधुरीलाई प्रतिघरधुरी रु पाँच हजार, आंशिकरुपमा क्षति भएका २६३ परिवारलाई रु तीन हजार र खानाखर्चबापत प्रत्येक परिवारलाई रु दुई हजारका दरले राहत वितरण गरिएको उहाँले बताउनुभयो ।

राहत लिन कोही छुटेको भए सम्पर्क गर्न जिल्ला दैवीप्रकोप उद्धार व्यवस्थापन समितिले आग्रह गरेको छ ।