शनिबार, साउन ९ २०७८
काठमाडौं २०:४९
वासिङटन डिसी 11:04

भूकम्प पीडितको राहत दुरुपयोग हुन दिन्न: प्रधानमन्त्री

इनेप्लिज २०७२ जेठ २१ गते १२:१९ मा प्रकाशित

Trade Unions Submit Relief Fund to the PMकाठमाडौँ, २१ जेठ । प्रधानमन्त्री सुशील कोइरालाले भूकम्प पीडितका लागि प्राप्त सहयोग रकमको सदुपयोग हुने बताउनु भएको छ ।

प्रधानमन्त्री निवास बालुवाटारमा आज भूकम्प पीडितका लागि विभिन्न सङ्घसंस्थाले प्रधानमन्त्री दैवी प्रकोप उद्धार कोषमा दिएको राहत सहयोग रकम ग्रहण गर्दै प्रधानमन्त्री कोइरालाले आफूले सुशासन ,पारदर्शिता, जवाफदेहिता, भ्रष्ट्राचारविरुद्ध शून्य सहनशिलता र मितव्ययितालाई उच्च प्राथमिकता दिएको जानकारी दिँदै राहतमा अनियमितता गर्ने जोसुकैलाई कारबाही हुने उल्लेख गर्नु भयो ।

कोषमा आज साउथ एसियन रिजनल ट्रेड युनियन काउन्सिलका अध्यक्ष लक्ष्मण बस्नेतले रु १० लाख १६ हजार ४५२ बराबरको चेक प्रधानमन्त्री कोइरालालाई हस्तान्तरण गर्र्नुभयो ।

सो अवसरमा नेपाल ट्रेड युनियन काँग्रेसका अध्यक्ष खिलानाथ दाहालका साथै संयुक्त ट्रेड युनियनका पदाधिकारीको पनि उपस्थिति रहेको थियो ।

आजै हल्यान्डको रिचआउट टू नामक संस्थाका तर्फबाट अध्यक्ष लिसवेथ नाइजेलकर्कीले पनि रु पाँच लाख प्रदान गर्नुभयो ।

त्यस्तै करुणा फाउन्डेसनले रु पाँच लाख र विकेन्द्रीकरण सहयोग समाजका तर्फबाट रु ५१ हजार भूकम्प पीडितको सहयोगार्थ प्रधानमन्त्री दैवी प्रकोप उद्धार कोषमा प्रदान गरिएको थियो ।

प्रतिक्रिया