बुधबार, साउन २० २०७८
काठमाडौं ०६:३०
वासिङटन डिसी 20:45

समयमै अस्थायी बासस्थानको व्यवस्था: एमाले अध्यक्ष ओली

इनेप्लिज २०७२ जेठ २० गते १४:१७ मा प्रकाशित

Rss_Images_1433323632526_ST-Ktm-Oli  (1)ललितपुर, २० जेठ । नेकपा (एमाले)का अध्यक्ष केपी शर्मा ओलीले भूकम्पपीडितलाई समयमै अस्थायी बासस्थानको व्यवस्था गरी खुला आकाशमुनि रहन बाध्य नपारिने र भोकभोकै नराखिने प्रतिबद्धता व्यक्त गर्नुभएको छ ।

भूकम्पका कारण धरापमा परेका घर भत्काउने कार्यमा लागेका एमालेका स्वयम्सेवकलाई आज लेले–४ मा सामग्री वितरण गर्दै उहाँले भूकम्पबाट प्रभावित ७६ वटा निर्वाचन क्षेत्रमा झन्डै २८ हजार कार्यकर्ता स्वयम्सेवक परिचालन गरिएको बताउनुभयो ।

विदेशबाट आउने सहयोगको सदुपयोग गरी देशलाई नयाँ नेपाल बनाउन सकिने बताउँदै उहाँले पीडितलाई अब राहत नभई जस्तापाता एवम् नगद वितरण गर्नुपर्नेमा जोड दिनुभयो ।

एमालेका स्वयम्सेवक सरकारसँग हातेमालो गदै पुनःनिर्माण कार्यमा सहयोग गर्न तयार रहेको उहाँले उल्लेख गर्नुभयो । यसैबीच, सरकारका तीनवटै सुरक्षा निकायले गरेको कामको उहाँले प्रशंसा गर्नुभयो ।

प्रतिक्रिया