नेकपा (एमाले) काठमाडौँ क्षेत्र नं ७ सम्पर्क समन्वय कमिटीले बोहराटारस्थित टौडोलमा निर्माण गरेका अस्थायी घरटहरा हस्तान्तरण कार्यक्रम तथा स्वयंसेवाको अनुगमनका क्रममा उहाँले दलहरुबीच सहमति कायम नहुँदा आठ वर्षदेखि संविधान निर्माण हुन नसकेको अवस्थामा विधि पु¥याएर चाँडो भन्दा चाँडो संविधान जारी गर्ने प्रयत्न भइरहेको बताउनुभयो ।
उहाँले भन्नुभयो–‘‘जनतालाई खुला आकाशमुनिबाट छानामुनि ल्याउन राष्ट्रिय स्वयम्सेवक परिचालन अभियानले सफलतापूर्वक भूमिका निर्वाह गरेको छ । हामीसँग पैसा छैन, सम्पत्ति छैन, तर आँट, जाँगर र अठोट छ ।’

पार्टीका पोलिटब्युरो सदस्य प्रकाश ज्वालाले अभियानका क्रममा १० दिनको अवधिमा त्यस क्षेत्रमा १०३ अस्थायी घरटहरा निर्माण तथा जोखिममा रहेका ९६ घर भत्काएको र चारवटा विद्यालयका लागि आठवटा घरटहरा निर्माण गरेको जानकारी गराउनुभयो ।

अनुगमनका क्रममा अध्यक्ष ओलीसहित पार्टीका उपमहासचिव विष्णु पौडेल, प्रमुख सचेतक अग्निप्रसाद खरेल, केन्द्रीय सदस्यद्वय सूर्य थापा र सावित्रा भूषाल, सभासदहरु् रामबीर मानन्धर, शान्ता मानवीलगायत सो क्षेत्रमा पुग्नुभएको थियो ।

अभियानका सदस्य वसन्त मानन्धरले जनतालाई दुःख परेका बेला उनीहरुलाई सहयोग गर्नुकर्तब्य भएको विचार व्यक्त गर्दै सो अभियानले विभिन्न सङ्घ संस्थाको सहकार्यमा आज गोलढुङ्गामा १७ घरलाई जस्तापाता उपलब्ध गराएको बताउनुभयो ।