बुधबार, साउन २० २०७८
काठमाडौं ०५:३२
वासिङटन डिसी 19:47

जिल्लास्तरीय भलिबलको उपाधि राप्ती बाल एकाडेमीलाई

इनेप्लिज २०७२ जेठ १७ गते ३:५१ मा प्रकाशित

volleyballतुलसीपुर (दाङ), १७ जेठ । राष्ट्रिय निजी तथा आवासीय विद्यालय एसोसिएसन नेपाल दाङले गणतन्त्र दिवसका अवसरमा आयोजना गरेको शिक्षकहरुबीचको जिल्लास्तरीय भलिवल प्रतियोगिताको उपाधि राप्ति बाल एकाडेमी तुलसीपुरले हात पारेको छ ।

आज बिहान अरनिको मैदान तुलसीपुरमा भएको अन्तिम खेलमा शारदा विद्यामन्दिर रक्षाचौरलाई पराजित गर्दै एकाडेमीले उपाधि हात पारेको हो । शारदा विद्यामन्दिर रक्षाचौर २६–२४, २३–२५ र २५–१८ ले पराजित भएको हो । उपाधि हात पारेसँगै र बाल एकाडेमीले रु पाँच हजार, ट्रफी, पदक, प्रमाणपत्र र बल प्राप्त गरेको छ ।

त्यस्तै द्वितीय हुने शारदा विद्या मन्दिर तुलसीपुर–२ रक्षाचौरले रु तीन हजार ट्रफी, पदक, प्रमाणपत्र र नेट तथा तृतीय हुने पुरन्धारा एभरेस्ट एकाडेमी हंसपुरले रु एक हजार ट्रफी, पदक र प्रमाणपत्र प्राप्त गरेका छन् । प्रतियोगितामा एनप्याब्सन दाङमा आबद्ध आठ विद्यालयको सहभागिता थियो ।

प्रतिक्रिया