आज चितवनको रत्ननगरमा महाभूकम्प पीडितहरूका लागि ‘राहत, पुनःनिर्माण र पुनस्थापना’ विषयक अन्तरक्रियाका क्रममा उहाँले कार्यकर्ताहरूलाई सक्दो सहयोग गर्न निर्देशन दिनुभयो ।

काँग्रेस केन्द्रीय समितिले निर्णयसमेत गरेको र नेपाली काँग्रेसको दृष्टिकोण नै सहयोग गर्नु भएको उल्लेख गर्दै उहाँले भूकम्पपीडितको सहयोगमा कुनै कसर बाँकी नराख्न कार्यकर्तालाई भन्नुभएको छ ।

काँग्रेस केन्द्रीय सदस्य प्रदीप पौडेलले काँग्रेस कार्यकर्ता जनताको सहयोग गर्न पछिनपर्ने भन्दै भूकम्पपीडितको स्थायी वासस्थान निर्माणका लागि अहोरात्र खटिनुपर्नेमा जोड दिनुभयो ।

कार्यक्रममा चितवनको विकट सिद्धि गाविसका २२ घरधुरी चेपाङलगायत परिवारका लागि नयाँ घर बनाउन काँग्रेस कार्यकर्ता खटिने जानकारी दिइएको छ ।
भूकम्पपीडितका लागि नयाँ घर निर्माणमा अमेरिकामा बस्ने नेपाली अर्जुन गिरी र सञ्जीव रायले जस्तापाता सहयोग गर्नुभएको छ ।