भेटमा नेपालमा हालै आएको विनाशकारी भूकम्प, यसले पुर्‍याएको क्षति, खोजी, उद्धार, राहत र पुनःस्थापनाका प्रयासका साथै नेपाल र मेक्सिकोको सम्बन्धका बारेमा पनि कुराकानी भएको थियो ।

भेटमा प्रधानमन्त्री कोइरालाले नेपाललाई दुःख परेको बेलामा आएर सहानुभूति प्रकट गर्नुभएकामा राजदूत ओभ्लाभारिताप्रति कृतज्ञता प्रकट गर्नुभएको प्रधानमन्त्रीका प्रेस संयोजक प्रकाश अधिकारीले जानकारी दिनुभयो ।

भेटका अवसरमा प्रधानमन्त्री कोइरालाले नेपाललाई परेको यस दुःखमा छिमेकी मित्रराष्ट्र भारत र चीनसहित अन्य मित्रराष्ट्रले उद्धारकर्मी, स्वास्थ्यकर्मी, उद्धार उपकरण, औषधि, फिल्ड अस्पताल, खाद्यान्न, पानी र टेन्ट पठाएर सहयोग गरेको बताउनुभयो ।

सो अवसरमा राजदूत ओभ्लाभारिताले यस विपत्तिको असरबाट नेपाल छिट्टै मुक्त हुने विश्वास व्यक्त गर्नुभयो । राजदूत ओभ्लाभारिताले प्राकृतिक सुन्दरताले भरिपूर्ण नेपाल छिट्टै पूर्वावस्थामा फर्कने र अतिथिप्रेमी नेपालीको अनुहारमा छिट्टै मुस्कान आउनेमा आफू विश्वस्त भएको बताउनुभयो ।

उहाँले नेपाल र मेक्सिकोको कूटनीतिक सम्बन्ध स्थापनाको ४०औँ वार्षिकोत्सवका अवसरमा आउँदो असोज–कात्तिकमा काठमाडौँमा व्यापारिक तथा सांस्कृतिक प्रदर्शनी आयोजना गरिने पनि जानकारी दिनुभएको थियो ।