मन्त्री डा रिजालले भकुण्डेबेंसी, पात्लेखेत, कानपुर, सस्र्युंखर्क, पोखरीनारायण स्थान, चापाखोरी, मङ्गलटारलगायत स्थानमा पुगी भूकम्पपीडितलाई भेटी राहत तथा उद्धारमा भएका कामकारबाहीको जानकारी लिनाका साथै घरबारविहीन बनेकाहरुको स्वामित्वमा रहेका भौतिक संरचनाको अवस्था एवम् पुनःनिर्माण सम्बन्धमा पनि जानकारी लिनुभयो । उहाँसँगै स्थानीय विकास अधिकारी चिरञ्जीवी तिम्सिना, नेपाली काँग्रेस काभ्रेका पार्टी सभापति शिवप्रसाद हुमागाईं, प्रहरी नायब उपरीक्षक राजकुमार केसीलगायत सहभागी हुनुहुन्छ ।

आज साँझैसम्म प्रभावित गाउँमा पुगी पीडितको उद्धार तथा राहत अवस्थाबारे बुझ्ने कार्यक्रम छ । मन्त्री डा रिजालले शुक्रब्ँर काभ्रेका पाँचखाल नगरपालिकाको होक्से, दोलालघाट, चण्डेनीमण्डन, महादेवस्थान, साठीघर भगवतीलगायत गाविसका दुर्गम गाउँमा पुगेर त्यहाँको वास्तविक अवस्थाबारे जानकारी लिनुभएको थियो ।